Polkagrisen

- ÅHH, kor blir det av ho, då? pip Discodansemusa irritert. Heavykatten, Discodansemusa og Pinnsvinet Phillip sit på kafeen og ventar på Polkagrisen. Dei skal planlegga ein ny konsert. Discodansemusa er sur og sjalu på Polkagrisen som er så søt, og som dei to andre likar så veldig godt, særleg Phillip. Ho angrar nesten på at ho drog heim frå den store byen og ho har mest lyst til å slutta i bandet. Men så vert Kaféeigaren borte og dei får trugande brev med krav om løysepengar ...

Dette er den tredje boka om dei tre tidlegare uvenene Heavykatten, Discodansemusa og Pinnsvinet Phillip.

Roald Kaldestad

Kunsthistorikar og frilans gitarist/mandolinist. Har spela mykje med Odd Nordstoga, Magnet, A Boy Named Sue og William Hut, i tillegg til ti års fartstid i Storm Weather Shanty Choir.

Debuterte som forfattar i 2000 med Heavykatten, Discodansemusa og Pinnsvinet Phillip. Året etter kom Reven Ruben, og i 2003 Polkagrisen. Dei to første går stadig som høyrespel på NRK Super. I 2006 kom biletboka Englefjell, som er laga saman med Øyvind Torseter. Årets bok heiter Heavykatten og gitaren, og som dei andre bøkene om heavykatten er også denne illustrert av Ella K. Okstad.