I beste mening

"Sterkt om å være frakoblet og om behovet for tilhørighet. (...) Bokens styrke er forfatterens innsikt i det menneskelige. Med varme utforsker hun hva som skal til for å føle tilhøringhet og hvordan forventningerom å hengi seg kan bli for krevende, der tillit er en risikosport."

"Benedicte Meyer Kronberg markerte seg alt med debutromanen i 2010 som ein stilsikker og klok skildrar av liv i nærkontakt med psykiske problem. Ho har tidlegare skildra ei jente med bipolar mor, ein tenåring med eteforstyrring og ein familiefar med posttraumatisk stressliding. Likevel er både tidlegare romanar og romanen av året meir enn tematiske utforskingar av diagnosar, det handlar også om det psykiske klimaet i samtida vår...Det sterkaste med skildringa av Helene er at ho ikkje framstår som eit menneske ein synest synd på, men eit det er mogeleg å identifisere seg med, trass i ulik livserfaring. Forfattaren teiknar bilete av ei kvinne som desperat treng, men ikkje heilt greier å vere emosjonelt nær andre, noko som manifesterer seg ulikt i ulike livsfasar . Benedicte Meyer Kronberg er ein av dei mange gode forfattarane i Noreg som enno ikkje har nådd eit stort publikum. Noko av årsaka er nok at ho har valt det subtile og stilreine uttrykket og unngår det dramatiske og sterkt kjensleladde, ikkje heilt ulikt Merethe Lindstrøm."